Қостанай облысында сүт фермасы ашылды

Қостанай облысының Степанов ауылында заманауи сүт фермасы ашылды. Жақында шаруашылық Даниядан 400 сауын сиыр әкелді. Жыл аяғына дейін олардың санын 1200-ге жеткізу жоспарланған. Қазір фермада 30 шақты жергілікті тұрғын еңбек етеді. Кәсіпорын толық қуатына көшкенде жұмысшылар саны тағы да көбейе түспек. Ферманың құны 7 миллиард тенгеге жуық. Бұл қаржының 30 пайызы шаруашылыққа тиесілі болса, қалғаны жеңілдетілген несие есебінен берілген мемлекет қаржысы. Жалпы, облыста биыл 6 сүт тауарлы фермасы ашылады деген жоспар бар.

Асылбек Айқадамов, ферма басшысы:

Мұнда енді бұзаулап жатқан сиырлар бар. Қазір 21 литр сүт беріп жатыр. Жоспар бойынша 26-27 литрге жеткізетін ойымыз бар. Жоба бойынша жылына 9 мың тонна сүт сауылуы керек. 7-8 жылда, әрі кетсе 10 жылда ақтап шығады деп  ойлаймыз. Қазір күніне 6 тонна сүт тапсырып жатырмыз.

Дәуренбек Әбдібек