Ардагер кенші шахтадағы апатқа байланысты көңіл айтты

«Жомарт» кенішінде болған апатты тұтас ел ауыр қабылдап, ел азаматтары көңіл айтып жатыр. Солардың арасында ардагер кенші Абулаис Мулаков қаза тапқандардың арасында туысқаны бар екенін айтып, марқұм жайлы естелігімен бөлісті.

Абулаис Мулаков, ардагер кенші:

Бұл - айтпай келген апат. Соның ішінде қайтыс болған Боранбай баласы Ардақ - менің жекжаты, осы үйдің жанындағы көршім, балалардың бөлесі еді. 5 жыл еңбек етті. Университетті бітіріп, бірінші рет шахтаға түскенде жүгіріп келіп, шахтаға түстім, кенші болдым деп қуанды. Біраз уақыттан кейін тау-кен шебері болып тағайындалды. Үйленді, кішкентай ұлы бар. Қабырғамыз қайысып, жүрегіміз езіліп отыр.

Азамат Бейбітұлы