Германияда мыңдаған адам демократияға қолдау білдіру үшін шеруге шықты

Германия астанасы Берлинде 30 мыңдай адам демократияны қолдап, көшеге шықты. Олар әсіре оңшылдарға қарсы шыққан. Акция ел парламенті - Бундестагқа сайлауға 1 апта қалғанда өтіп отыр. Ұйымдастырушылар Германия демократиясына «бейбіт, либералдық өмірге» қарсы дұшпандардан қауіп төніп тұр деп мәлімдеді. Бұған қоса олар оңшыл экстремизмге, нәсілшілдікке қарсы тұруға, климатты қорғауға және саналы әрі жауапты халықаралық саясат жүргізуге шақырған.

Арай Төлегенқызы