АҚШ-та тасқыннан 9 адам қаза тапты

АҚШ-тың бірнеше штатында алапат тасқыннан 9 адам қаза тапты. Су апатына төпелеп жауған жауын себеп. Соңғы мәліметке қарағанда, үздіксіз нөсерден 500 мыңдай үй жарықсыз қалды. Кентуккиде табиғи апатқа байланысты төтенше жағдай жарияланған. «Нью-Йорк Таймс» газетінің хабарлауынша, штаттарда ондаған автомагистральды су басып, кейбір тұрғындар жолда қалып қойды. 300-дей автокөлік жолы жабылған. Жаңбыр тоқтамай, өзен суының деңгейі көтеріліп жатыр. Осыған байланысты тасқын күшеюі мүмкін деген қауіп артты. 

Арай Төлегенқызы