Венчурлық қаржыландыру құқықтық реттеусіз жүзеге аспайды

Венчурлық қаржыландыру құқықтық реттеуді қажет етеді. Қазір салада венчурлық қорлар мен белсенді бизнес өкілдері тапшы әрі нарықтың тұрақтылығы мен ашықтығын қамтамасыз ететін кешенді құқықтық тетіктер жоқ. Осылай деген сарапшылар мен сала өкілдері венчурлық қаржыландыру нарығын дамытып, ұзақ мерзімді инвестицияларды тарту мәселесін талқылады. Ол үшін инвесторларға салықтық ынталандыруды қарастыру көзделген.

Айта кетейік, венчурлық қаржыландыру инновациялық жобаларды іске қосудың негізгі көзі саналады.

Еңлік Байназарова, Парламентаризм институтының әлеуметтік жобалар және қоғамдық бастамалар орталығының сарапшысы:

Аталған іс-шара қорытындысы бойынша Crowdfunding және цифрлық активтерді реттеу механизмдері ретке келтіріледі. Сонымен қатар салықтық жеңілдіктер енгізіледі. Одан бөлек, шетелдік қаржы ағынын күшейту мақсатында халықаралық қорлармен бірлесе отырып, тең инвеститциялау механизмін реттегіміз келіп отыр. Дөңгелек үстел қорытындысы бойынша  теориялық тұрғыдан талдау жасап, сарапшыларымызбен заңнамаға өзгерістер енгіземіз.

Серік Жұмабек