Брюссельде метро маңында атыс болып, бір адам қаза тапты

Бельгия астанасы Брюссельде метро маңында тағы атыс болып, бір адам қаза тапты. 19 жастағы жігітті бетперде киіп, қаруланған қылмыскер метроға кіре бергенде атып, оқиға орнынан қашып кеткен. Бұл - «Клемансо» метро станциясында соңғы екі аптада болған үшінші атыс. Бұған дейін 3 адам жараланған еді.

Брюссель прокуроры: «Бұл заңсыз есірткі саудасымен айналысатын қылмыстық топтардың өзара текетіресі», - деп мәлімдеді. Қылмыскерлер әлі ұсталған жоқ. Құқық қорғау органдары қала бойынша іздестіру операциясын жалғастыруда.

Нұрсұлу Қасым