Премьер-министр СҚО коммуналдық-энергетикалық секторымен танысты

Премьер-министр Олжас Бектенов Солтүстік Қазақстан облысындағы жұмыс сапары аясында өңірдің коммуналдық-энергетикалық инфрақұрылымын жаңғырту шаралармен танысты. Былтыр Петропавлдағы №2 жылу электр орталығында 9 қазандық пен 6 турбинаға күрделі жөндеу жүргізілді. Жыл соңына дейін биіктігі 180 метрлік түтін мұржасы пайдалануға берілмек.

Олжас Бектенов соңғы бір жылда елдегі 55 жылу көзі жаңғыртылып, инженерлік желілердің тозу деңгейі 40%-ға дейін төмендегенін атап өтті. Қазір өңірде 363 медициналық мекемені, 585 оқу орнын, 156 мәдениет және спорт нысанын, сондай-ақ 1435 көппәтерлі тұрғын үйді жылумен қамтамасыз ететін 490 қазандық жұмыс істейді.

Анатолий Казановский, «СевКазЭнерго» АҚ бас директоры:

Бүгінгі күні жөндеуге қажетті барлық инвестициялық бағдарлама көлемі 26 млрд теңге деп жоспарланған. Айта кетейік, 2024 жылы инвестициялық жөндеу бағдарламасы 18,5 млрд теңге болған еді. Яғни өсім 9 млрд теңгеден астам. Сондай-ақ биыл №1 турбоагрегат құрылысын аяқтаймыз. Бұл қаланы қосымша 40-тан 60 гигокалорияға дейін қамтамасыз етуге мүмкіндік береді. Бұдан бөлек үш корпус пен екі турбоагрегатты жөндеу қарастырылған.

Серік Жұмабек