Брюссельде ереуілшілер мен полиция қызметкерлері қақтығысты

Бельгия астанасы Брюссельде бейбіт түрде басталған жалпыхалықтық шеру тәртіпсіздікке ұласты. Ереуілшілер полицияға жарылғыш заттар лақтырып, үкіметтік ғимараттардың терезелерін сындырды. Тәртіп сақшылары оларға қарсы үлкен қысыммен жіберілетін су мен көз жасаурататын газды қолдануға мәжбүр болды. Қақтығыстың салдарынан бірнеше полиция қызметкері жарақат алды. Қоғамдық тәртіпті бұзып, мемлекеттің мүлкін қиратқан 17 адам құрықталып, оларға қатысты іс қозғалды. Үкіметтің қатаң үнемдеу шараларына қарсы ұйымдастырылған наразылық акциясына 60 мыңнан аса адам қатысты.

Нұрсұлу Қасым