Жаңалықтарды Telegram арнамыздан оқыңыз!Жалпы, еліміздің 9 облысы көктемгі тасқын судан зардап шегуі мүмкін. «Қазгидромет» болжамы осындай. Сараптама кезінде ауа райы, ылғал мөлшері, жердің беткі қабатының қату қалыңдығы ескерілген. Нәтижесінде қауіп деңгейі үш санатқа бөлінді. Батыс, Солтүстік, Шығыс Қазақстан, Абай, Ақмола, Ақтөбе, Қарағанды, Қостанай және Ұлытау облыстарында су тасқыны қаупі жоғары екені анықталды. Дегенмен бұл нақты болжам емес. Ауа райына байланысты қауіпті аймақтардың тізімі 5 наурызға дейін тағы да өзгеруі мүмкін, дейді синоптиктер.
Ақниет Балтанова
