Абай облысы су тасқынының алдын ала бастады

Абай облысында көктемгі су тасқынына қарсы дайындық шаралары басталды. Арнайы топ елдімекендерді аралап, су қоймалары мен бөгеттердің жағдайын бақылауда. Өңірде 95 гидротехникалық нысан бар. Олардың 10-ы жекеменшікте. Сондықтан жекенің қолындағы нысандар жіті тексеріліп жатыр. Ірі су қоймалары да назарда. Мамандар Шүлбі су электр станциясының жұмысын тексерді. Қоймада 2 миллион текше метр су сақтауға болады. Су электр станциясы күшейтілген режимге көшуге дайын.

Виктор Шестаков, гидротехникалық құрылғыларды жөндеу шебері:

Шүлбі су электр станциясы Қазақстандағы ең қуаттысы болып саналады. Қазір жұмыс қалыпты. Көктемгі су тасқынына нысан дайын. Ешқандай қауіп жоқ. Сәуірдің соңы мен мамырдың басында су қоймаға өте көп мөлшерде жиналады. Сондықтан біз Ертіс өзеніне жіберілетін судың деңгейін үнемі қадағалап реттеп отырамыз. Биылғы көктемгі тасқынға қарсы су қоймасы толық дайын.

Ержан Жақып