Азиада-2025: Биатлоннан әйелдер құрамасы қола медаль жеңіп алды

Азия ойындарының қоржынына тағы бір қола медаль түсті. Биатлоннан әйелдер арасындағы эстафетада ұлттық құрама мәреге үшінші болып жетті. Алтын Қытайға, күміс Оңтүстік Корея спортшыларына бұйырды.

Ал Харбинде бірер минут бұрын хоккейден ерлер арасындағы жартылай финал аяқталды. Жігіттер Азиаданың финалына жолдама алды. Олар жарыс қожайыны Қытай құрамасын 3:1 есебімен жеңді. Сондай-ақ, кёрлингтен әйелдер құрамасы Азия ойындарының жартылай финалына жолдама алды. Топтық кезеңнің шешуші турында отандастарымыз Гонконг командасынан 6-3 есебімен басым түсті. Бұл - Ұлттық құраманың ең үздік нәтижесі.

Асылбек Данияр