Тәжікстан министрі еліміздің Сыртқы істер министрі Мұрат Нұртілеумен кездесті

Бұған дейін Тәжікстан министрі еліміздің Сыртқы істер министрі Мұрат Нұртілеумен кездесті. Тараптар екіжақты ынтымақтастықтың өзекті мәселелерін талқылады. Табиғи апаттарды болжау және экологиялық қауіп-қатерлердің алдын алу үшін спутниктер топтамасын құру жөнінде пікір алмасты.

  Мұрат Нұртілеу, Қазақстан Республикасының Сыртқы істер министрі:

Жаһандық факторлардың текетіресі ушығып, геосаяси ахуал күрделенген кезеңде көршілес елдердің бірлігі – заман талабы деп санаймыз. FinTech, цифрландыру және заманауи технологиялар сияқты болашағы зор бағыттарда тиісті шараларды қолға алу ниеті нақтыланды. Қарым-қатынастарымыздың іргетасы мәдени-гумманитарлық саласына жеке тоқталдық.

  Сироджиддин Мухриддин, Тәжікстан Республикасының Сыртқы істер министрі:

Инвестициялық ынтымақтастыққа көп көңіл бөлдік. Бүгін біз миграциялық өзара әрекеттесу жайлы да сөз қозғадық. Бұл мәселенің барлығын кешенді түрде қарастыру үшін басқа ведомстволарды тарта отырып, бөлек екіжақты келіссөздер жүргіземіз деп келістік. Біз Қазақстаннан Тәжікстанға туристік ағындар көлемінің артқанын да атап өттік.

Темірлан Нұрсолтан