Жаңалықтарды Telegram арнамыздан оқыңыз!Елімізде жұмысшы мамандықтарды оқытатын 6 колледж халықаралық салалық аккредиттеуден өткен. Яғни бұл сертификатқа ие болған білім ордаларының дипломы тек Қазақстанда емес, шет елдерде де жұмысқа тұруға мүмкіндік береді. Сондықтан биыл халықаралық салалық стандартқа сай колледждердің қатарын 30-ға жеткізу көзделіп отыр. Осы орайда Астанада өтіп жатқан «Жұмысшы мамандықтар қаласы» фестивалі аясында халықаралық аккредиттелген колледждер өз тәжірибесімен бөлісті. Мәселен Атыраудағы PEC PetroTechnic пен Талдықорған жоғары политехникалық колледждері алғашқылардың бірі болып осы сертификатқа қол жеткізген.
Санжар Тәтібеков, «Talap» АҚ президенті:
Керітартпа ойлардан қорықпауымыз керек. Студенттеріміз сертификатты алып алып, шетелге барып жұмыс істейді деген прициптерден. Біз айтамыз, олар шетелде тәжірибе алмасып, елге келіп экономикаға жәрдемі тиеді. Мысалы машина жасау, IT саласы, энергетика саласы.
Шыңғыс Нұрғожаев, Талдықорған Жоғары политехникалық колледжінің директоры:
Біздің студенттеріміз колледж дипломымен жобалаушы болуға мүмкіндік алатын болса, ал бұл сертификаттың арқасында жобаны басқарушы, яғни құрылыс алаңындағы бүкіл жұмысты меңгеріп, соны ұйымдастырушы ретінде оқып шығып, Қазақстанда ғана емес, шетелдік компанияларда да қызмет етуге мүмкіндік алады.
Ақниет Балтанова
