Алматыда 2027 жылдан бастап дизельді автобус жүрмейді

Алматыда 2027 жылдан бастап дизельді автобустар жүрмейді. Мегаполистің жауапты шенділері мәслихаттың кезектен тыс сессиясында алдағы 2-3 жылда электрлі және газбен жүретін қоғамдық көлік қана қалады деп тағы уәде берді. Жергілікті билік бұл мәселені бұған дейін бірнеше мәрте көтеріп, сөз берген. Олар дизельді машина сатып аларда Еуро-5 стандартына сай келетін, ауаны ластамайтынын аламыз деген еді. Алматы әлемдегі ең лас қалалардың бірі саналады. Мысалы биыл алып шаһар бірнеше мәрте халықаралық рейтингте бірінші орынға шыққан болатын.

Азамат Ешанқұл, қалалық мобильдік басқарманың бөлім басшысы:

Алматы қаласында қазіргі таңда 201 маршрут бар. 25 тасымалдаушымен қамтамасыз етіліп жатыр. Дизель отыны бойынша қазір қаламызда жұмыстар атқарылып жатыр басқарма тарапынан. Барлық автопарктерге хат жолданды. Осы 26 жылға дейін бүкіл автобустардың газға немесе электроавтобусқа ауыстыру деген.

Қуан Нұрақын