Астанада мейірімділікті насихаттайтын дәріс оқыла бастады

Жастар арасында қайырымдылық пен мейірімділік, жанашырлық құндылықтарын насихаттау үшін елімізде арнайы дәрістер басталды. Алғашқысы бүгін Қазақ ұлттық өнер университетінде өтті. Волонтерлік ұйымдардың жетекшілері дәріс оқыды. Бұл игі бастама енді республиканың барлық өңірі мен аудандарында жалғасатын болады. Айта кетейік, елімізде 755 волонтерлік ұйым, 2 мың бастамашыл топ, 275 мың белсенді волонтер бар.

Ақнұр Тұрдалиева, «Жасұлан» бірыңғай балалар мен жасөспірімдер ұйымының атқарушы директоры:

Интернетті ашсақ, көптеген негативті ақпаратты көреміз. Балалар төбелесіп жатады, қатігездікке барады. Бірақ осындай іс-шаралар балалардың бойына мейірімділікті сіңіруге үлес қосады. Жалпы елімізде волонтерлыққа үлес қосқысы келетін жастар көп. Жылдан жылға саны артып келеді.

Ақниет Балтанова