Талдықорғанда 8,5 мың жаңа жұмыс орны ашылады

Жұмысшы мамандықтар жылы аясында Талдықорғанда бос жұмыс орындарының алғашқы ауқымды жәрмеңкесі ұйымдастырылды. Шараға 40-тан астам кәсіпорын мен мекеме өкілдері қатысып, өздеріне қажет мамандарды іздесе, оқу орындарының түлектері мен жұмыссыз жүргендер өз бақтарын сынап көрді. Өткен жылы облыс орталығында 8 мыңдай жаңа жұмыс орны ашылды. Биыл бұл көрсеткішті 8500-ге жеткізу жоспарланған. Қалада өндіріс орындары кеңейіп, жаңа кәсіпорындар ашылып жатыр.

Ардақ Құдайбергенова, серіктестік өкілі:

Біз «Темірбетон» ЖШС ұжымынан қатысып отырмыз, жұмысшы жәрмеңкесіне. Бізге керек жұмысшылар: экологтар, конструкторлар, технологтар және де басқа электрогазосварщик, формовщиктар керек.

Ернат Бәзіл, Талдықорған қаласының әкімі:

Мысалы «Қайнар АКБ» үлкен аккумулятор шығаратын зауытымыз екінші үлкен зауыт қасына салайын деп жатыр. «Алмас керемикс», «АСМА индастрис» ашылды. «Газобетон» деген ашылды. «Мажико» деген мекемелер. Және индустриалды аймақта биыл тағы 2-3 кәсіпорын кішігірім ашылады деп жоспарлап отырмыз.

Қуаныш Қанатұлы