Қостанай оңтүстік жастарын қабылдауға дайын

Қостанай облысының колледждері еліміздің оңтүстігінің мектеп түлектерін тегін кәсіби білім алуға шақырады. Биыл оқу орындары «Серпін» бағдарламасы бойынша Алматы, Жамбыл, Қызылорда, Түркістан және Жетісу облыстарынан 500-ден аса адам қабылдауға дайын. Оларды негізінен техникалық, ауыл шаруашылығы, педагогикалық мамандықтар бойынша дайындайды. Бұл өңірдегі жұмысшы мамандарға зәру 40 кәсіпорынның тапсырысы бойынша қолға алынған шара.

Анна Лазарева, облыстық білім басқармасының баспасөз хатшысы:

Колледждерге қабылдау жергілікті өндіріс орындарының сұранысына сай жүргізіледі. Біріншіден бұл түлектердің нақты мамандық бойынша білім алуына кепілдік береді. Екіншіден сол кәсіпорында практикалық тәжірибе жинайды. Сосын міндетті түрде тұрақты жұмыспен қамтылады.

Дәуренбек Әбдібек