Қарағандыда SIM box құрылғысын алаяқтық үшін пайдаланған Ресей азаматы ұсталды

Қарағандыда SIM-box құрылғылары мен SIM карталарын алаяқтық үшін пайдаланды деген күдікпен Ресей азаматы ұсталды. 20 жастағы күдікті жалдамалы пәтерлердің бірінде ұсталған. Пәтерден 128 ұясы бар SIM-box құрылғысы, екі Wi-Fi апараты және Altel, Tele2, Activ операторларының 1857 SIM картасы тәркіленді.

Қазіргі уақытта IT мамандармен бірге онлайн-трафик зерттеу жүргізілуде. Күдікті уақытша ұстау изоляторына қамалып, қылмыстық іс қозғалды. Егер кінәсі дәлелденсе, ол екі жылға дейін бас бостандығынан айырылуы мүмкін.

Серік Жұмабек