Жаңалықтарды Telegram арнамыздан оқыңыз!Бұл - Қарағанды - Астана бағытындағы жолдағы кептеліс. 1 500-ге жуық көлік жолда қалды. Көліктер тізбегі бірнеше шақырымға созылған. Тіпті кешеден бері тұрғандары да бар. Бүгін түстен кейін сағат 4-тер шамасында автомобильдер Астанаға қарай бағыт алды. Қарлы боранда жолда қалған машиналарды 10 колоннаға бөліп, Қарағанды облысының патрульдік полицейлері алып жүрді. Бастысы жолда қалған жолаушылар зардап шекпеді.
Бақытжан Құдияров, Қарағанды облыстық полиция департаментінің баспасөз хатшысы:
Қазір патрульдік полиция қызметкерлері Ақмола облысының аумағына дейін 1 500 автокөлік ілестіріп діттеген жеріне жеткізді. Ауа райының күрт өзгеруіне байланысты қазір бұрқасын соғып тұр. Жолдың көрінуі 20-25 метр. Сондықтан көлік жүргізушілерінен алыс жолға шықпауын сұраймыз.
Самал Қабышева
