Астанада екі көлік жанып, бір адам зардап шекті

Астанада екі көлік жанып, бір адам зардап шекті. Түнде Байқоңыр ауданындағы Брусиловский көшесінде орналасқан техникалық қызмет көрсету станциясының бірінде өрт шығып, оның 2 боксы жалынға оранды. Бір автобус пен бір жүк көлігі зақымдалған. 38 жастағы азаматты күйік шалып, ауруханаға жеткізілді. Ол бокстардың бірін жалға алушы екен. Оттың неден тұтанғаны әзір белгісіз.

Бақытжан Мәуленбердиев, қалалық ТЖД бастығының орынбасары:

Шақырту орнына бірінші бөлімше 7 минутта келіп жетіп, екінші шақырту жарияланды. Өрт орнында гараж ішінде техникалық және бояу, жөндеу құрал-жабдықтардың жануы анықталды. Жалпы, өрттің ауданы 250 шаршы метрді құрайды. Өрт оқшауланды.

Нұрсұлтан Тілектес