Абай облысында Абайдың 180 жылдығына арналған шаралар басталды

Абай облысында Абай Құнанбайұлының 180 жылдығына арналып 500-ге жуық шара өтеді. Дені рухани-мәдени бағытта. Оның ішінде халықаралық деңгейдегі ғылыми-тәжірибелік конференция, республикалық ақындар айтысы, жыр мүшәйралары және көрмелер. Хакімнің мерейтойына әлемнің әр түпкірінен меймандар да көптеп келеді деп жоспарланып отыр. Мерейтой ақынның туған топырағы Жидебайда түйінделеді. Мәдени шаралардың алғашқысы Семейдегі ауқымды концертпен басталып та кетті.

Толқын Берікбекқызы, облыстық Мәдениет, тілдерді дамыту басқармасы басшысының орынбасары:

Абай ауданындағы мәдени обьектілер жөнделеді. Өйткені туристердің ағыны көп келеді деп жоспарлап отырмыз. «Семей – Қарауыл» бағытындағы жолды жөндеу жоспарланған. Одан кейін этноқалашық тігіледі және қолөнершілердің байқау фестивалі өткізіледі деп отырмыз. Республикалық Абай оқулары да биыл сол Қарауыл ауылында Абай күні өткізіледі.

Ержан Жақып