Ақтөбе облысында 12 вагон әлеуметтік газ ұрлаған қылмыстық топ ұсталды

Ақтөбе облысында 12 вагон әлеуметтік газ ұрлаған қылмыстық топ ұсталды. Бұл туралы Ішкі істер министрлігінің ұйымдасқан қылмысқа қарсы күрес департаментінің өкілдері хабарлады.

Күдіктілер газ өңдеумен айналысатын компанияның өз жұмысшылары екені белгілі болды. Олар есепке алынбаған газды жинап, кейін теміржол арқылы тасымалдап отырған. Облыстық полиция департаменті, прокуратура және Ұлттық қауіпсіздік комитетінің өкілдері бірлесіп, арнайы операция кезінде оларды ұстады. Күдіктілер 12 вагон газды сатуға апара жатқан. Қазір сараптама жұмыстары жүргізілуде. Оның нәтижесінде шығын көлемі белгілі болады.

Жақсыбек Кемал