Трамп Газа секторын бақылауға алып, палестиналықтарды түгел көшіруді ұсынды

АҚШ Газа секторын өз қарамағына алып, палестиналықтарды Иордания, Мысыр сияқты елдерге түгелдей көшіруге дайын. Мұны президент Дональд Трамп Ақ үйде Израиль премьер-министрі Биньямин Нетаньяхумен кездесуде мәлімдеді.

Трамптың ойынша, Газа Американың қол астына өтсе, онда экономикалық гүлденуге және мыңдаған жұмыс орнын ашуға жол ашылады. Тағы бір сөзінде Газаны «Таяу Шығыстың Ривьерасына» айналдыруға уәде берді.

Дональд Трамп, АҚШ президенті:

Бір ғана себеп бар – палестиналықтар неліктен Газаға оралғысы келеді? Себебі оларда өзге таңдау қалмады. Қазір Газа сырып тастайтын территорияға айналды. Онда ғимараттар түгелге жуық қираған. Адамдар құлаған бетонның астында өмір сүріп жатыр. Ақылды болып көрінгім келмейді, бірақ бұл жерді Таяу Шығыстың Ривьерасына айналдыруға болар еді.

Арыстан Рысбек