Астанадағы «Мыңжылдық аллея» халықаралық сәулет сыйлығы тізіміне енді

5 саябақ пен 25 жайлы шағын бақ. Белсенді өмір салтына лайық велосипед және жаяу жолдар. Астанада салынатын «Мыңжылдық аллеясының» бас жоспары беделді халықаралық The Pineapples Awards 2025 премиясының шорт-тізіміне енді. Бұл марапат ыңғайлы, тұрақты және инновациялық қалалық кеңістіктерді құруға бағытталған озық урбанистикалық жобаларды іріктейді.

Айта кету керек, «Мыңжылдық аллеясының» аумағы - 1020 гектар, ені - 80 метр. Ұзындығы 4 шақырым болатын желілік парк «Қазақ елі» алаңы мен «Нұрлы жол» вокзалын байланыстырады. Құрылысы 2030 жылы аяқталады деп жоспарланған. Беделді байқаудың нәтижесі ақпанның 27-сі жарияланады.

Нұрсұлтан Тілектес