Сириядағы терактіден 20 адам қаза тапты

Cирияның солтүстігінде көлікке қойылған бомба жарылып, 20 адам қаза тапты. Мұны ел президентінің кеңсесі мәлімдеді. Оқиға Түркия шекарасынан 30 шақырымдағы Манбидж қаласында болған. Жарылыс теракт деп танылды. Оны ешқандай топ әзірге мойнына алған жоқ. Сирияның жаңа үкіметі кінәлілерді жауапқа тартатынын мәлімдеді. Араб республикасында мұндай жойқын жарылыс желтоқсанда Башар Асад биліктен кеткелі екінші мәрте болып отыр.

Арай Төлегенқызы