Павлодарда өткен ретро-айтысқа сегіз ақын қатысты

Павлодарда ретро-айтыс өтті. Шараға кешегі «Айтыстың алтын ғасыры» деп аталған кезеңде қазақ айтысының мақтанышына айналған Серік Құсанбаев, Айтақын Бұлғақов, Құдайберлі Мырзабек, Серік Қалиев, Жұмкен Сейітов, Бейсенбі Мұқажан, Алтынгүл Қасымбекова, Серік Ыдырысовтар қатысты. 4 жұптан құрылған 8 ақынның өнеріне жұрт риза болды.

Аманжол Әлтаев, Айтыс ақындары мен жыршы-термешілердің халықаралық одағы басқарма төрағасының орынбасары:

Ақындар өздері ұсыныс жасап, халық бізді сағынды, біз халықты сағындық, бір мауқымызды басып, бізде айтысайық деген өтініштерін айтып жүрді. Ендеше сол ретро-айтыстың қайтадан бір бастамасын Иса Байзақовтың елінде, қасиетті бабалардың жерінде Павлодар облысында бастайық деп ұсыныс айтқан болатынмын.

Қазақ айтысының мақтанышына айналған, өнерсүйер қауым сағынған ақындар сайысы енді әр өңірде ұйымдастырылады. Ал айтысқа қатысқан әр ақынға 500 мың теңгеден сыйлық табысталды.

Болат Аманбаев