Елімізде инклюзив саясат тұжырымдамасы 13 бағытты қамтиды

Елімізде инклюзив саясаттың 2030 жылға дейінгі тұжырымдамасы қабылданды. Құжат 1 жыл бойы дайындалып, бірнеше кезеңнен өтті.

Мүгедектігі бар жандар мен мемлекеттік емес ұйым өкілдерімен бірнеше рет кездесулер ұйымдастырылған. Нәтижесінде 1300-ден аса ұсыныс түсіпті. Тұжырымдама 13 бағытты қамтиды. Айта кетейік, елімізде 732 мың ерекше жан бар. Бұл жалпы халықтың 3,6%-ы.

Асқарбек Ертаев, ҚР Еңбек және халықты әлеуметтік қорғау вице-министрі:

Мүгедектіктің медициналық-әлеуметтік моделінен әлеуметтік-құқық қорғау моделіне көшу бойынша жағдай жасау – тұжырымдамалық жаңалық. Инклюзив саясатты іске асыруда жаңа тәсілдерді іске асыруға, мүгедектігі бар адамдар үшін мүмкіндіктерді кеңейтуге және қоғамға толыққанды әлеуметтік-интеграциялану үшін қажетті жағдайлар жасауға бағытталған пәрменді шаралар кешенін қабылдауды көздейді.

Ақниет Балтанова