Қосшы қаласынан 71 мың текше метр қар шығарылды

Қыс басталғалы Қосшы қаласы аумағынан 71 мың текше метр қар шығарылды. «Таза Қазақстан» жобасы аясында қала іргесіндегі Тайтөбе ауылында «Таза бейсенбі» өтті. Волонтерлар, жастар мен қоғам белсенділері көшелер мен саябақтарды, әлеуметтік маңызы бар нысандарды және жаяужолдарды қардан тазартты. Жауаптылар мұндай шаралар еңбекке баулуды балаларға үйретудің тамаша құралы дейді.

Айдын Төребаев, Ақмола облыстық мәслихатының депутаты:

Өздеріңіз көріп отырғандай мына саябақ былтыр ашылып еді. Енді осы Тайтөбе ауылында жеңістің 80 жылдығына арнайы осындай үлкен саябақ орнатсақ па деген ой бар. Балаларымызға өсіп келе жатқан өспірімдерге үлгі бола ма деп ойлаймыз.

Серік Жұмабек