CBS NEWS: Вашингтонда ұшақ құлаған өзеннен 19 адамның мәйіті табылды

АҚШ астанасы Вашингтонда жолаушылар ұшағы құлаған Потомак өзенінен 19 адамның мәйіті табылды. Мұны «Си-би-эс» телекомпаниясы хабарлап отыр.

Ал ТАСС агенттігі бортта мәнерлеп сырғанаудан екі ресейлік әлем чемпионы болғанын жариялады. Олар Евгения Шишкова мен Вадим Наумов. Лайнер қонарда үш сарбаз мінген әскери тікұшақпен соқтығысқан. Екі әуе машинасы да суға кетті. Жолаушылар ұшағында 64 адам болған. Олардың төртеуі экипаж мүшесі. Айта кетсек, «Американ эйрлайнс» компаниясының «Бомбардьер» ұшағы Канзас штатынан Вашингтонға бара жатқанда құлады. Президент Дональд Трамп қайғылы оқиғаны «жаман апат» деп атады.

Арыстан Рысбек