Жаңалықтарды Telegram арнамыздан оқыңыз!Президенттің әр бастамасы тұтас елдің дамуы үшін маңызды. Парламент мәжілісінің төрағасы Ерлан Қошанов Үкіметтің кеңейтілген отырысында Президент айтқан мәселелерге тоқталып, мән-маңызын тарқата түсті. Мемлекет басшысы экономикалық дамудың бірқатар көрсеткіші бойынша оң серпін бар екенін атап өтіп, алдағы 5 жылға арналған жұмыстың басты бағыттарын айқындап берді, дейді Мәжіліс спикері.
Ерлан Қошанов, ҚР Парламенті Мәжілісінің төрағасы:
Президенттің барлық тапсырмасының артында, ең алдымен, халықтың тұрмысын жақсарту мақсаты тұрғанын атап өткім келеді. Осыған орай заңнамалық шешімдердің бәрі халықпен тығыз байланыста қабылдануға тиіс. Өз қызметімізде «халық үніне құлақ асатын мемлекет» тұжырымдамасын басшылыққа алып, сайлаушылармен белсенді қарым-қатынас жасауымыз қажет.
Азамат Бейбітұлы
