Ақтөбеде тұрмыстық қалдықтарды кәдеге жарата бастады

Тұрмыстық қалдықтар кәдеге жаратылды. Ақтөбеде оқушылар арасында өңделген экологиялық таза материалдардан бұйымдар жасау байқауы өтті.

«Таза Қазақстан» акциясы аясында ұйымдастырылған шарада 90 оқушы 24 топтық және 28 жеке жұмыстарын ұсынды. Қазылар алқасы ең үздік және ең пайдалы деген жобаларды анықтады. Жеңімпаздарға сыйлықтар табысталды. Ұстаздардың айтуынша, қазір өңірдегі мектептердің барлығында қоршаған ортаны қорғауға, тазалыққа ерекше назар аударылады.

Гүлдәурен Ақынова, мұғалім:

Бізде әр класта, әр кабинетте бұл экожүйеге қатысты контейнерлер орнатылған. Оған оқушылар да үйренген. Өздерінің пластик бөтелкелерін пластикке, қағазды қағазға салады, үш жәшік қойылған. Сол арқылы біз экожүйені қолға алдық, жүйелі түрде.

Жақсыбек Кемал