Жаңалықтарды Telegram арнамыздан оқыңыз!Ресей 2026 жылдың бірінші қыркүйегінен бастап жоғары білімнің Болон жүйесінен бас тартты. Енді жоғарғы оқу орындарында бұрынғыдай қос деңгейлі жүйе, яғни 4 жылдық бакалавриат және 2 жылдық магистратура болмайды. Оның орнына кеңестік замандағы 5-6 жылғы оқуға оралу қарастырылған. Ал магистратураның орнына мамандандырылған жоғары оқу орны, 1-3 жылдық білім бағдарламасы енгізіледі. Қазір Ресейде 60 мыңнан астам отандасымыз білім алып жатыр. Оларға оқу орнын аяқтауға еш кедергі болмайды деп уәде еткен.
Мейіржан Жалғаспай, Ресейдегі студенттер ұйымының басшысы:
Біздің оқып жүрген жоспарымыз 4 жылға бекітілген және ол ешқандай өзгеріске ұшырамайды. Біз осы бағытта оқуды жалғастыра береміз. Мәселе, кедергі болмайды. Біздің Мәскеуде оқып жүрген дипломдарымыз халықаралық аренада күшін жойды, алайда біз Қазақстанға оралсақ, сайт арқылы дипломымызды қазақ тіліне аударамыз.
Аида Ахметбек
