Үкіметтің кеңейтілген отырысында 40-тан аса тапсырма жүктелді

Бүгін Мемлекет басшысының төрағалығымен өткен Үкіметтің кеңейтілген отырысында сан түрлі сала бойынша 40-тан аса нақты тапсырма жүктелді. Олардың бәрі де мемлекет пен ел үшін аса маңызды, дейді сенаторлар. Әсіресе Президенттің сыртқы саясаттағы ұстанымы мен инвестиция тарту бойынша көтерген мәселесі өзекті, дейді депутаттар.

Бибігүл Жексенбай, ҚР Парламенті Сенатының депутаты:

Аудан, ауыл әкімдеріне дейін инвесторларды іздейтіндей емес, керісінше инвесторлар біздің әртүрлі мемлекеттік басқарудағы адамдар инвесторларды іздеуге құлықты болған кезде бізге инвестиция келеді. Тек ғана шетелдік емес, отандық инвесторларды да айтып отырмын.

Ғалиасқар Сарыбаев, ҚР Парламенті Сенатының депутаты:

Жалпы алғанда ұлы державаларды айтатын болсақ, бүгінгі күні біз ҚР орта державаға кірдік. Сол себепті мемлекет басшысы бір нүктені қойған сияқты. Бұл жерде біз саяси аренада ғана орта держава емес, біз экономика, әлеуметтік салада да орта держава болуымыз керек. Соған ұмтылуымыз керек деді. Үкімет осыдан шешімдерін шығарады деп ойлаймын. 

Азамат Бейбітұлы