Ел аумағында 1,1 мың заңсыз қоқыс үйіндісі анықталды

«Таза Қазақстан» акциясы аясында ел аумағында 1 120 заңсыз қоқыс үйінділері анықталып, 307 мың әкімшілік құқық бұзушылық тіркелді. Бұл жұмыстарды жүргізу үшін 7 мыңнан аса полиция қызметкері жұмылдырылған.

Мобильді топтар қалдықтарды көму аймағында тексеру жұмыстарын жүргізді. Жергілікті атқарушы органдарға заң бұзушылықтарды жою туралы 782 шағым түсті, нәтижесінде 524 полигон жойылды.

Ішкі істер министрлігі азаматтарды қоршаған ортаны қорғауға, рұқсат етілмеген орындарға қоқыс тастамауға және тазалық пен тәртіпті сақтауға шақырады.

Ақниет Балтанова