Семейдегі мұғалімнің ісі: қала әкімінің орынбасары күдікті деп танылды

Семейде қалалық шыршаны безендіріп, жарақат алған мұғалімнің ісі бойынша қала әкімінің орынбасары Арайбек Хамзаев күдікті деп танылды. Шенеунікке қатысты тергеу 27 желтоқсанда басталған.

Хамзаевтың лауазымдық өкілеттігін асыра пайдалануы тергеуге сеп болған. Жалпы, шыршаны безендіруге басқа да мұғалімдер, яғни барлығы 5 адам шыққан. Оларды осы жұмысқа заңсыз тартқан мектеп директорларына сөгіс жарияланды. Ал білім бөлімінің басшысы қызметінен босатылды.

Ақниет Балтанова