Қазақстан делегациясы Швейцарияда адам құқықтары туралы баяндама қорғады

Қазақстан Женевада өтіп жатқан әмбебап кезеңдік шолу сессиясында төртінші ұлттық баяндаманы қорғады. Құжат адам құқықтары мен бостандықтарын қорғау туралы. Аталмыш баяндаманы Әділет министрі Ерлан Сәрсембаев бастаған делегация ұсынған. Ведомство басшысы елдегі адам құқықтары саласындағы негізгі жетістіктер мен мемлекет дамуының басты басымдықтарын таныстырды. Мәселен, сот жүйесі саласында елеулі реформалар жүзеге асты. Құқық қорғау органдарының қызметі қайта қаралды. Жиынға қатысушылар спикерге сұрақтарын қойып, адам құқықтарын қорғауды жетілдіру бойынша ұсыныстарын жеткізді.  

Ақниет Балтанова