Шығыс Қазақстан облысында 8 адам құтқарылды

Шығыс Қазақстан облысында ақтүтек боранға қарамай, өткен түнде жолға шығып кеткен 8 адам құтқарылды. Шемонаиха – Секисовка жолында бір көлік, ал Шемонаиха қаласы маңынан тағы бір автокөлік жолда тұрып қалған. Қатты бораннан құтқарушылардың өзі арнайы техникамен әрең жеткен. Қар құрсауынан шығарылған жолаушылар сол маңдағы елдімекенге жеткізіліп, ыстық тамақ берілді. Аймақта қарлы дауыл әлі соғып тұр. Сондықтан бүгін өңірдегі 4 аудан мен Өскемен қаласындағы орта мектептегі оқушылар онлайн оқып жатыр.

Олжас Керейхан