Қостанай облысында бірнеше бағытта жолдар жабылды

Қостанай облысында ақтүтек боранның салдарынан 9 бағытта көлік қатынасы тоқтады. Оның алтауы облыстық маңыздағы, үшеуі республикалық маңыздағы жолдар. Қозғалыс тоқтатылған учаскелерге полиция мен құтқарушылардан кезекшілік қойылған. 200-ге тарта көлік күннің ашылуын күтіп, орта жолда қаңтарылып тұр.

Олардың жүргізушілері мен жолаушыларына жергілікті әкімдіктер жылыту пункттерін дайындады. Автокөліктерді кезең-кезеңімен шығару туралы шешімді полицейлер, жолға жауаптылар мен құтқарушылар бірлесіп қабылдайды. Сондай-ақ, өңірдегі бірнеше мектепте сабақ қашықтан оқытылып жатыр.

Дәуренбек Әбдібек