Қолайсыз ауа райы әлі сақталады

Бірқатар өңір тұрғындарын әбігерге салған қолайсыз ауа райы ертең де сақталады. Қазгидромет алдағы 2 күнге арналған ауа райы болжамын жариялады. Боран соғады, жел күшейеді, жауын жауады. Кей облыстарда аяз, көктайғақ пен тұман болуы ықтимал. Сондықтан мамандар қолайсыз күн райында алыс жолға шықпай, сақтық шараларын қатаң сақтауды ескертеді.

Кәмшат Катауф, «Қазгидромет» РМК инженер-синоптигі:

21-22 қаңтарда Солтүстік-батыс циклонының әсерінен елдің басым бөлігінде жауын-шашын болады. Солтүстік өңірлерде қар, кейде қатты қар, Қазақстанның шығысында, оңтүстігінде және оңтүстік-шығысында жаңбыр мен қар түріндегі қатты жауын-шашын жауады. Сондай-ақ республика бойынша боран, көктайғақ, тұман, желдің 15-28 м/с дейін күшеюі, Қазақстанның шығысында, оңтүстігінде және оңтүстік-шығысында 30 м/с және одан да көп қатты жел болуы мүмкін.

Ақниет Балтанова