Таразда қоғамдық көлікті мас күйінде айдағандар ұсталды

Тараз қаласында қоғамдық көліктің жүргізушісі мас күйінде жолаушы тасымалдаған. Оның ішімдік ішкені анықталғаннан кейін бірден қамауға алынды. Осы қаңтар айында жолаушы тасымалдаған 11 көліктің иесі мас күйінде ұсталды. Олардың басым бөлігі қалааралық бағыттағы «Toyota Alphard», «Sienna» секілді көліктердің жүргізушілері.

Абзал Құрманов, ПБ патрульдік полиция батальонының взвод командирі:

Медициналық сараптама қорытындысы бойынша 2,59 промилле көрсетті. Яғни масаңдықтың орташа дәрежесі. Әкімшілік құқықбұзушылық кодекстің 608-і бабы, 1-ші тармағына сәйкес әкімшілік хатттама толтырылып, жүргізуші соттың шешімімен 15 тәулікке қамаққа алынып, 7 жыл көлік басқару құқығынан айырылды.

Данияр Әлімқұл