Газа секторында атыс тоқтап, тұтқын алмасу басталды

Газа секторында атысты тоқтату туралы ымыра күшіне енді. Нәтижесінде, Хамастың кепілдігіндегі израильдіктер арасынан үш әйел босатылып, үйіне оралды. Олар туған-туыстарымен кездесіп, медициналық тексеруге жіберілген. Израиль президенті кепілдегілердің оралуын «қуаныш пен жұбаныш күні» деп атады. Израиль болса, өз түрмесінен 90 палестиналықты босатқан. Хамас-Израиль соғысы 2023 жылы қазанның 7-сінде басталды. Содан бері Израильдің шабуылдарынан Газада 47 мыңдай адам қаза тапқаны белгілі. Соғыстың аяқталуы Израильде, Газада да үлкен мерекеге ұласты.

Арыстан Рысбек