Елімізде жатыр мойны обырынан 600-ден аса науқас көз жұмады

Еліміздің онкологиялық орталықтарында «жатыр мойны обырының алдын алу» бойынша ашық есік күні өтті. Өкінішке қарай, бұл дертпен ауыратын науқастар саны азаймай тұр.

Қазір 16 мың 998 әйел осы сырқатпен есепте тұр. Жыл сайын 600-ден аса науқас көз жұмады. Дегенмен 2006 жылы обырдың дәл осы түріне екпе ойлап табылғанын ескерсек, дер кезінде тексерілген әрбір әйел аурудың алдын ала алады. Дәрігерлерді алаңдатып отырған тағы бір мәселе - дерттің жастар арасында белең алып келе жатқаны.

Шолпан Болатова, онкогинеколог:

Осыдан 5-10 жыл бұрын 30-40 жастан басталған. Қазіргі таңда кейбір жағдайда бар 20 жастағы, 22-23 жастағы науқастар келеді осы аурумен. Қыркүйек айынан бастап, 11 жастан вакцина салу жұмысы жасалып жатыр.

Қаракөз тұрмағанбет