Былтыр елде сыбайлас жемқорлыққа жол берген 1493 адам ұсталған

Мемлекет басшысы Сыбайлас жемқорлыққа қарсы іс-қимыл агенттігінің төрағасы Асхат Жұмағалиды қабылдады. Онда антикор қызметінің бұған дейін атқарған жұмысы және биылғы жоспары, соның ішінде «Заң мен тәртіп» қағидатын іске асыру жөніндегі негізгі міндеттері баяндалды.

Былтыр жемқорлыққа қатысты 1641 қылмыс тіркеліп, жүйелі түрде жемқорлық жасаудың 68 фактісі анықталған. Сыбайлас жемқорлыққа жол берген мың жарымға жуық адам ұсталған. Олардың ішінде түрлі деңгейдегі басшылардың саны екі жүзден асады. 914 адам сотталған. Кездесу барысында Президент еліміздегі сыбайлас жемқорлықпен күресті одан әрі жалғастыру жөнінде бірқатар тапсырма берді.

Азамат Бейбітұлы