Жаңалықтарды Telegram арнамыздан оқыңыз!Маңғыстауда жаңа жұмысшы мамандықтары оқытыла бастады.
Қарақия кәсіптік колледжінде биылдан бастап тері илеуші және агроном мамандықтары ашылып, 100 студент қабылданған. Жаңа мамандықтарды оқыту үшін қажетті құрал-жабдықтар алынуда. Жуырда тері илейтін қондырғылар жеткізілмек. Тері-тон өндірісі бойынша оқитын студенттер мұнда былғарыдан түрлі бұйымдар әзірлеуді үйренеді.
Ал агроном мамандар қыста гидропоника тәсілімен қызанақ пен қияр өсіріп, көктемде көкөніс, дәнді дақылдар егетін шаруашылықтарда жұмыс істеп, тәжірибе жинайды.
Айнұр Сәбиева, Қарақия кәсіптік колледжінің директоры:
Екі жаңа мамандығымыз, екеуі де ауылшаруашылықты дамыту бағытында. Әсіресе агрономия саласын дамыту мақсатта грантпен қаматылып отыр. Аяқтағаннан кейін жұмысқа орналасуы нақты анықталып тұр. Агрономия саласы бойынша жермен жұмыс жасаймыз. Осыған байланысты бізге Қарақия ауданы әкімшілігінен 3 га жер берілген болатын. Сол жерден өзіміз учебный жеке оқу полигонын жасақтап отыромыз.
Аягөз Оралбайқызы
