Израиль үкіметі бітім туралы келісімді бүгін мақұлдауы мүмкін

Израиль үкіметі Газа секторында атысты тоқтату туралы келісімді бүгін құптайды. Бұл туралы премьер-министр Биньямин Нетаньяхудың кеңсесі бір сағат бұрын мәлімдеді. Бұған дейін келісімді мақұлдау кейінге қалуы ықтимал деген ақпарат шыққан еді.

Израиль жағы «ХАМАС» құжатқа өзгеріс енгізгісі келеді» деп айыптады. Алайда қарулы топ келісімге берік екенін мәлімдеді. Бітім осы аптада күшіне енуі тиіс.

Израиль мен «ХАМАС» Газа секторында 15 айға созылған атысты тоқтатуға сәрсенбіде келісті. Мұның алдында Қатар, АҚШ пен Мысыр бірнеше ай бойы келіссөз жүргізіп, араағайындық танытып келді.