Басты Жаңалықтар Түркістанда нөмірін жауып қойған жүргізуші куәлігінен айырылды

Түркістанда нөмірін жауып қойған жүргізуші куәлігінен айырылды

17.01.2025 10:17

Елімізде жылдамдықты шектейтін жаңа заң шыққалы көліктерінің нөмірін жауып қоятын немесе тақпайтын жүргізушілер көбейген. Мәселен Түркістан облысында осындай 40-қа жуық жүргізуші анықталып, жауапқа тартылды. Патрульдік полиция қызметкерлері «Шымкент-Самара» тасжолында рейд жүргізу барысында көлігінің мемлекеттік тіркеу нөмірін қасақана жауып алған жүргізушіні байқап қалған.

Тексеру барысында 30 жастағы жүргізуші көлігінің нөмірін дымқыл майлықпен жауып, өрескел құқық бұзғаны анықталды. Сот қаулысымен ол 1 жылға көлік басқару құқығынан айырылып, әкімшілік қамауға алынды.

Айнұр Әбілқасымқызы

Бөлісу