Екібастұзда балабақша тәрбиешісі баланы тұншықтырмақ болған деген күдікке ілінді

Павлодар облысының Екібастұз қаласындағы жекеменшік балабақшалардың бірінде тәрбиешінің көмекшісі 2 жасар сәбиді көрпемен тұншықтырып ұйықтатпақ болған. Оның бұл әрекеті бейнекамераға түсіп қалған. Алайда балабақша қызметкері балаға зәбір көрсеткен жоқпын, керісінше ұйықтауға жатқызып, көрпемен қымтадым дейді. Тәрбиешінің көмекшісі балабақшада 15 жылдан аса жұмыс істеген. Полиция тергеуді бастады.

Сұлушаш Ибраева, мектепке дейінгі және жалпы орта білім беру бөлімінің меңгерушісі:

Бұл жағдай Екібастұз қаласындағы «Сәби сити» жекеменшік балабақшасында орын алды. Ата-аналар білім бөліміне шағымданды. Қазіргі таңда полиция басқармасымен тексеру жүргізіліп жатыр. Тәрбиешінің көмекшісі жұмыстан уақытша шеттетілді.

Болат Аманбаев