Ақтөбеде жастар қарияларға көмектесті

Еріктілер тобының мүшелері мен қала жастары Шәмші Қалдаяқов көшесінде тұратын жалғызілікті зейнеткердің ауласын қардан тазартты. Қалалық жастар ресурстық орталығының басшылығы бұл шара жыл бойы жалғасатынын айтады. Студенттер мен еріктілер ай сайын кемінде 10-15 зейнеткердің үйіне барып, қолғабыс етеді.

Еркебұлан Мұхтарұлы, қалалық Жастар ресурстық орталығының бөлім басшысы:

Белгіленген орнымыз бар. Жалғызілікті қариялардың дерегін қала әкімшілігінен, әлеуметтік қорғау бөлімінен аламыз. Сол үйлерді айға бөлеміз. Мысалы, осы айда осы аудандағы 10 шақты үйге барсақ, келесі айда басқа аудандарға барамыз. Ақтөбеде қарт кісі көп, оларға бөліп-бөліп, көмек беріп жатырмыз.

Жақсыбек Кемал