Газадағы соғысты тоқтату үшін көліссөз жүргізіліп жатыр

Қатар астанасы Дохада Газа секторындағы соғысты кезең-кезеңімен тоқтату туралы келісім әзірге жасалмады.

Соңғы раунд 8 сағатқа созылды. Нәтижесінде Қатар, Мысыр, АҚШ сияқты елдерден қатысқан делдалдар оптимизм байқатты. Айтуларынша, делегаттар палестиналық анклавта атысты доғарып, тұтқындарды босату жайлы мәміле жасамақшы.

Газада алапат соғыс 2023 жылы 7 қазанда хамастықтар Израильдің оңтүстігінде 1200 адамды өлтіріп, оның 250-ін кепілге алғаннан кейін басталды. Содан кейін Израиль армиясының шабуылдарынан Газада 46 мыңнан астам адам қаза тауып, 2 миллион 300 мың халықтың басым бөлігі үйлерін тастап кетті.

Арыстан Рысбек