Қарағанды қаласында ауа ластанған

Қарағанды қаласында ауа ластанған. Мұны арнайы сынама алған экологтар растады. Айтуларынша, зиянды заттардың концентрациясы бір жарымнан кей жерлерде 4 бірлікке дейін артқан. Соның кесірінен таңғы және кешкі уақытта қаланы қою қара түтін басады. Бұған алып кәсіпорындардан бөлек, күнделікті пеш жағатын жер үйлер мен жыл сайын көбейіп жатқан авто көліктердің де әсері бар.

Римма Рахымбекова, облыстық экология Департаментінің бас маманы:

Тексерістер таңғы сағат 9-да жүргізілді. Одан бөлек тәулік бойы бақылап, түскі, кешкі уақыттарда да қосымша есептедік. Ауаның ластануы тек таңғы және кешкі уақыттарда күшейеді. Бұл жер үйлерде пеш жағып, авто көліктердің көбейетін уақыты.

Жандос Бақытұлы